重視寶寶嘅咀嚼訓練
BB唔咬食物，原來係糊狀食物嘅錯
好多家長覺得BB仲細，咬唔爛輔食，就打爛晒D食物餵BB食。但其實你們知道嗎？BB嘅牙齒咬嘢食唔叻，同經常食糊狀食物有一定嘅聯繫哦～
糊狀食物對牙齒嘅影響
經常餵BB食糊狀食物，容易導致BB一食粗糙或大粒D嘅食物就作嘔反胃，仲會令BB嘅咀嚼肌得唔到鍛煉，容易有蛀牙呢！糊狀食物（或叫精細食物）嘅殘留物容易依附喺牙齒表面同隙裡，唔及時清除嘅話，幾個小時後牙齒上就會出現霉斑。如果呢個時候再進食含糖量高嘅食物，糖和霉斑中嘅細菌進行作用後，就形成酸性物質，會進一步腐蝕破壞牙齒表面，長此落去，容易造成蛀牙。與此同時，由於缺少適當嘅咀嚼，BB嘅牙床咀嚼力唔夠，牙齒就冇咁容易自然脫落，從而導致出現換牙慢嘅情況。
鍛煉BB牙齒好
想BB擁有健康牙齒，就要重視佢嘅咀嚼訓練。咀嚼訓練係一個過程，需要家長和BB共同堅持，先可以收到好嘅效果。日常生活中，家長可以咁樣鍛煉BB咀嚼能力：
1. 俾BB嘅食物要大舊D，蘋果唔好切成細細粒餵佢，可以叫BB拎住成個蘋果咬，咁佢先會學用門牙同犬齒去咬食物。
2. 可以用堅硬同長條嘅手指餅（牙仔餅）俾BB練習咀嚼。剛開始嘅時候，BB可能會有抵觸心理，家長要耐心指導並及時鼓勵哦～。
