學行車嘅安全隱憂
BB學行少不免會撞倒跌親，你睇住佢跌一定痛都心埋。
不過常言道：唔跌過又點長得大吖！
咁BB學行呢段期間，有咩要注意呢？一齊來睇睇！

學行跌倒好正常啫
學行嘅BB，有邊個冇跌過吖。BB而家仲未可以好好咁控制自己嘅手仔腳仔，行路成日會向前傾，跌親係好正常嫁。你可以細心觀察BB跌倒嘅情形，如果佢跌倒嘅次數日益減少，咁就表示BB一直進步緊^^，你就唔好太緊張喇～ 如果真係好擔心BB跌傷嘅話，你可以喺屋企鋪張地墊，盡量陪住佢身邊，唔好俾佢跌咁多次，隻豬仔跌得多都會驚嫁！不過點都好，學行車係唔建議家長購買嘅，因為學行車其實有好多危害...
細數學行車的三宗罪
1. 容易出現O形腿
坐學行車嘅BB習慣用腳尖掂地滑行，耐咗就會養成踮腳嘅習慣。另外，BB嘅骨骼仍然比較軟，坐太多學行車，容易出現“X”或“O”形腿。
2. 剝奪運動鍛煉機會
BB坐喺學行車入面，借助車輪，就能夠周圍輕鬆暢遊，滑行全不費功夫，咁樣會失去咗自主鍛煉嘅機會，特別係自主學行嘅時候。
3. 影響BB智力發展
BB學爬同學行，都係喺度不斷地探索同認知世界。坐學行車佢就唔能夠自由活動，亦被剝奪咗學習嘅機會，從而影響佢嘅智力發展。
溫馨小貼士
BB喺屋企學行盡量赤腳唔好著鞋著襪，出街就一定要揀對舒適嘅學步鞋。啱啱學行，父母要注意BB有冇行為倒退，例如：唔願講嘢，跌倒後爬行等。父母要保證BB附近嘅環境既安全又柔軟，唔好俾BB掂到熱嘢滾水等等。
