9個月大BB怕生保點算好？
9個幾月嘅BB好驚見到陌生人，只要陌生人行埋D，佢就會驚、緊張同縮埋一邊，仲會爆喊添！相反，一見到媽媽或熟悉嘅家人，佢就會好開心咁撲去攬住佢，其實呢個係典型嘅“認生”情況。爸爸媽媽一卜難睇吓點樣照顧“認生”BB啦！
認生唔係錯唔係曳
BB“認生”怕生保，係因為佢有咗記憶。媽媽同家人經常同BB接觸，佢已經記住你們個樣啦^^。而陌生人嘅面孔佢從來冇見過（或唔記得）。如果陌生人突然走過來摸佢塊面，或者錫佢面豬仔，佢點會肯喎？BB怕生保係正常現像，爸爸媽媽唔好鬧BB啦，咁樣只會加劇佢嘅焦慮感！你只要同佢笑，錫佢，摸摸佢，佢就會好安心嫁啦。
照顧認生 BB 2 大 Tips
1. 陌生人“來勢洶洶”，BB驚驚
BB唔鐘意陌生人，同陌生人自身都有好大關係。大人未經BB允許就去抱BB，摸頭、擰面、胳肢、抱起，大驚小怪，仲要大大聲評論，要求佢叫“叔叔姨姨爺爺嫲嫲”，咁樣只會令佢更驚。雖然爸爸媽媽好想BB快D融入當時環境，但你要知道，佢而家正處於認生高峰期，好怕丑嫁！如果你個BB屬於內向型，你可以提前話俾熟人或朋友知，咁就可以避免好多麻煩。同時亦唔好離開BB走去同客人 social 喎，受到冷落嘅小 baby 都會有一種“被拋棄”嘅恐懼。
2. 適當地協助，慢慢引導BB接近朋友
BB認生期容易膽怯同焦慮，父母可以漸進式咁去引導。你可以鼓勵佢勇敢地接近同伴、家人或陌生人，慢慢引導佢認識陌生人同事物。隨住佢接觸嘅人越來越多，“認生”就會逐漸消失。另外，佢對同媽媽年紀差唔多或打扮靚靚嘅“姐姐”會好有好感哦（唔怪得我老公成日抱佢周圍行，又話佢專對住靚姐姐笑啦，真係識揀 haha）！
